Kottarakulam Maha Ganapathy Temple
മഹാഗണപതിഹോമം
ഏതൊരു ശുഭകാര്യം തുടങ്ങുമ്പോഴും ആദ്യം തന്നെ വിഘ്നേശ്വരനായ ശ്രീ മഹാഗണതിയെ യാഥവിധം പൂജിക്കുന്നതും ആരാധിക്കുന്നതും കാലജേശഭേദമന്യേ ഒഴിവാക്കാനാവാത്ത ഒരു അനുഷ്ഠാനമാണ്. ഇരുള്നീങ്ങി സൂര്യോദയത്തിന് അല്പം മുമ്പ് പ്രഭാതവേളയില്നടത്തുന്ന ഒരു നിത്യപൂജയാണ് മഹാഗണപതിഹോമം. ഇതിനായി നിഷ്കര്ഷിച്ചിട്ടുള്ള മഹാദ്രവ്യങ്ങള്, നെയ്യ്, പുഷ്പങ്ങള്, കറുക, മുക്കുറ്റി തുടങ്ങിയ വിശിഷ്ട വസ്തുക്കള്എല്ലാം വൈഭിക പ്രകാരമുള്ള മന്ത്രങ്ങള്ജപിച്ച് ഹോമം നടത്തുന്നു. ദിവസവും രാവിലെ 5.30 മണിക്ക് ആരംഭിച്ച് 6.30 മണിക്ക് ദീപാരാധനയോടെ സമാപിച്ച് പ്രസാദ വിതരണം നടത്തുന്നു.
വിശേഷാല്പൂജ
ദിവസവും നിര്മ്മാല്യ പൂജയ്ക്ക്ശേഷം നാഗരാജാവിന് നൂറും പാലും ശ്രീധര്മ്മശാസ്താ, നവഗ്രഹം, ശ്രീ മഹാഗണപതി എന്നീ ദേവതകള്ക്ക് പാലഭിഷേകം, ഉദ്ദിഷ്ടകാര്യസാദ്ധ്യത്തിനും വിഘ്നനിവാരണത്തിനും ശ്രീ മഹാഗണപതിഹോമം, നാഗദേവതകള്ക്ക് അര്ച്ചന, അനന്തശിവന് ധാര, ഗ്രഹദോഷപരിഹാരത്തിനും നവഗ്രഹപ്രീതിക്കും നവഗ്രപൂജ, ശ്രീ ധര്മ്മശാസ്താവിന് നീരാഞ്ജനവും, സ്രീ ധര്മ്മശാസ്താവിനും ശ്രീ മഹാഗണപതിക്കും സഹസ്രനാമ അര്ച്ചന, നെയ്യ് വിളക്ക്, ഉണ്ണിയപ്പ നിവേദ്യപ്രസാദം എന്നിവയോടുകൂടി നടത്തുന്നു. പൂജ നടത്തുന്ന ദിവസം രാവിലെ 8.30 മണിക്ക് പ്രസാദം ലഭിക്കുന്നതാണ്.
നവഗ്രഹശാന്തിഹോമം
വ്യക്തികളുടെ ഗ്രഹനില അനുസരിച്ച് ഗ്രഹദോഷ പരിഹാരത്തിനും നവഗ്രഹദേവതാ പൂജയിലൂടെ ആയുരാരോഗ്യ-ക്ഷേമ-ഐശ്വര്യങ്ങള് ലഭിക്കുന്നതിനായിട്ടുള്ള വിശേഷാല്പൂജ, നവഗ്രഹപൂജക്കുള്ള കലശങ്ങള്വച്ച് മന്ത്ര-ജപ പൂജാദികള് നടത്തി, വിവിധ സമിത്ത്, ഹവിസ്റ്റ്, നെയ്യ് തുടങ്ങിയ ഹോമദ്രവ്യങ്ങള് 108 ആവര്ത്തി ഹവനം നടത്തി, ജപ-പൂജാദികള് നടത്തിയ കലശങ്ങള് അഭിഷേകം നടത്തി ഓരോരോ ഗ്രഹത്തിനും വിധിപ്രകാരമുള്ള വസ്ത്രങ്ങള് അലങ്കരിച്ച് പൂജനടത്തി നിവേദ്യങ്ങള് സമര്പ്പിച്ച് ദീപാരാധന നടത്തി ഭക്തജനങ്ങള്ക്ക് പ്രസാദം നല്കുന്നു. നവഗ്രഹശാന്തിഹോമത്തിനുള്ള പൂജ ഒരു ദിവസം ഒരു വ്യക്തിക്ക് മാത്രമേ നടത്തുകയുള്ളൂ.
ചിറപ്പ് പൂജ
ശ്രീ മഹാഗണപതി, ശ്രീ ധര്മ്മശാസ്താവ്, ശ്രീ നാഗരാജാ എന്നീ ദേവതകള്ക്ക് നിത്യേനയുള്ള പൂജകള്ക്ക് പുറമേ ഭക്തജനങ്ങളുടെ പേരില് പ്രത്യേകം നടത്തുന്ന വിശേഷാല് പൂജയാണ്. രാവിലെ 8 മണിയോടെ കലശങ്ങള്വച്ച് ജപ-പൂജാദികള് നടത്തി ഭഗവാന് അഭിഷേകം ചെയ്യുന്നു. അഭിഷേകത്തിന് മുമ്പായി മഞ്ഞള്പ്പൊടി, പാല്, തൈര്, പഞ്ചാമൃതം, ഇളനീര്, പനിനീര് തുടങ്ങിയ ദ്രവ്യങ്ങള് അഭിഷേകം നടത്തുന്നു. സ്രീ നാഗരാജ, ശ്രീ ധര്മ്മാശാസ്താവ്, ശ്രീ മഹാഗണപതി എന്ന ക്രമത്തില് അഭിഷേകം നടത്തി അലങ്കാരം ചെയ്ത് നിവദ്യേം സമര്പ്പിച്ച് ദീപാരാധന നടത്തുന്നു. രാവിലത്തെ പൂജാപ്രസാദം, പഞ്ചാമൃതം, പൊങ്കല്, പായസം എന്നിവയും നല്കുന്നു. വൈകുന്നേരം 7 മണിക്ക് ശേഷം പൂജ നടത്തി പ്രസാദം, നിവേദ്യം എന്നിവ നല്കുന്നു. ഒരു ദിവസം ഒരു വ്യക്തിക്ക് മാത്രമെ ചിറപ്പ് പൂജ നടത്താന് സാധിക്കുകയുള്ളൂ.
പുഷ്പാഭിഷേകം
ശ്രീ മഹാഗണപതി, ശ്രീ ധര്മ്മശാസ്താവ്, ശ്രീ നാഗരാജ എന്നീ ദേവതകള്ക്ക് ഉള്ള നിത്യ പൂജകള്ക്ക് പുറമെ രാവിലെ 8 ണിയോടെ 26 കലശങ്ങള്വച്ച് കലശ-പൂജാദികള് നടത്തി ശ്രീ നാഗരാജ, ശ്രീ ധര്മ്മശാസ്താവ്, ശ്രീ മഹാഗണപതി എന്ന ക്രമത്തില് അഭിഷേകം നടത്തുന്നു. അഭിഷേകത്തിന് മുമ്പായി പാല്, തൈര്, പഞ്ചാമൃതം, ഇളനീര്, പനിനീര് തുടങ്ങിയ ദ്രവ്യങ്ങള്കൊണ്ട് അഭിഷേകം നടത്തുന്നു. ശ്രീ നാഗരാജാ, ശ്രീ ധര്മ്മശാസ്താവ്, ശ്രീ മഹാഗണപതി എന്ന ക്രമത്തില് അലങ്കാരം നടത്തി നിവേദ്യം സമര്പ്പിച്ച് ദീപാരാധന നടത്തി പൂജാപ്രസാദവും പഞ്ചാമൃതം, പായസം, പൊങ്കല് തുടങ്ങിയ നിവേദ്യ പ്രസാദവും നല്കുന്നു. വൈകുന്നേരം 7 മണിക്കുള്ള ദീപാരാധനക്ക് ശേഷം ശ്രീ ധര്മ്മശാസ്താവിനും ശ്രീ മഹാഗണപതിക്കും വിവിധ പുഷ്പങ്ങള്കൊണ്ട് മന്ത്രജപത്തോടെ പുഷ്പാഭിഷേകം നടത്തി അലങ്കാരം ചെയ്ത് നിവേദ്യങ്ങള് സമര്പ്പിച്ച് വിവിധ ദേവസങ്കല്പത്തിലുള്ള 16 ദീപങ്ങള്കൊണ്ട് (ഷോഡശ ഉപചാര) പൂജ നടത്തി പ്രസാദം വിതരണം നടത്തുന്നു. പുഷ്പാഭിഷേകത്തോടു കൂടിയ ചിറപ്പ് പൂജ ഒരു ദിവസം ഒരു വ്യക്തിക്ക് മാത്രമേ നടത്താന് സാധിക്കുകയുള്ളൂ.
പൂജാസമയങ്ങള്
നിര്മ്മാല്യ ദര്ശനം
രാവിലെ 5 ന്
ഗണപതിഹോമം
ഉഷഃപൂജ/ദീപാരാധന
രാവിലെ 7 ന്
ചിറപ്പ്/നവഗ്രഹഹോമപൂജ ആരംഭം
രാവിലെ 8 ന്
ചിറപ്പ്/നവഗ്രഹഹോമ ദീപാരാധന
രാവിലെ 10 ന്
നട അടയ്ക്കല്
രാവിലെ 10.30 ന്
നട തുറക്കല്
ദീപാരാധന
വൈകിട്ട് 7.00ന്
ചിറപ്പ് പൂജ/ദീപാരാധന
വൈകിട്ട് 7.30ന്
നട അടയ്ക്കല്
വൈകിട്ട് 8.00ന്